1 Летописи

Глава 2

1
Ова се Израелевите синови: Рувим, Симеон, Левиј, Јуда, Исахар и Завулон,
2
Дан, Јосиф и Венијамин, Нефталим, Гад и Асир.
3
Јудини синови беа Ир, Авнан и Сила. Тројцата му ги роди Хананката, ќерката на Сува. Но Ир, Јудиниот првенец, беше зол во Господовите очи, па Господ го погуби.
4
Неговата снаа Тамара му ги роди Фарес и Зара. Вкупно Јуда имаше пет синови.
5
Фаресови синови беа Есрон и Амул.
6
Зарини синови беа Зимриј, Етан, Еман, Халкол и Дара, вкупно пет.
7
Хармиев син беше Ахан, кој му нанесе зло на Израел со тоа што го прекрши заветот за посветените предмети.
8
Етанов син беше Азариј.
9
Есронови синови беа Ерамеил, Арам и Халев.
10
На Арам му се роди Аминадав, а на Аминадав му се роди Насон, поглавар на Јудините синови.
11
На Насон му се роди Салмон, на Салмон му се роди Воз.
12
На Воз му се роди Овид, а на Овид му се роди Есеј.
13
На Есеј му се родија: првенецот Елијав, вториот Авинадав, третиот Сама,
14
четвртиот Натанаил, петтиот Радај,
15
шестиот Осем и седмиот Давид.
16
Нивни сестри беа Серуја и Авигеја. Серуини синови беа Ависај, Јоав и Асаил, тројца.
17
Авигеја го роди Амаса, а татко на Амаса беше Исмаилецот Јетер.
18
Есроновиот син Халев имаше синови со својата жена Азува и со Ериота; негови синови беа Есер, Совав и Ардон.
19
Кога умре Азува, Халев ја зеде за жена Ерата, и таа му го роди Ур.
20
На Ур му се роди Уриј, а на Уриј му се роди Веселеил.
21
Потоа Есрон ја зеде ќерката на Махир, таткото на Галад; ја зеде за жена кога имаше шеесет години, и таа му го роди Сегув.
22
На Сегув му се роди Јаир, кој имаше дваесет и три града во Галадската земја.
23
Но Гесурејците и Арамејците им ги освоија Јаировите села, Кенат со неговите села, вкупно шеесет градови. Сите тие беа на синовите на Махир, таткото на Галад.
24
По смртта на Есрон во Халев-Ефрата, Есроновата жена Авија му го роди Асхор, таткото на Текоа.
25
Синови на Ерамеил, Есроновиот првенец, беа Арам, Вуна, Орен, Осем и Ахиј.
26
Ерамеил имаше и друга жена, по име Атара; таа беше Онамова мајка.
27
Синови на Арам, Ерамеиловиот првенец, беа Мас, Јамин и Екер.
28
Онамови синови беа Самај и Јадај; Самаеви синови беа Надав и Ависур.
29
Ависуровата жена се викаше Авихаила, и таа му ги роди Авана и Молида.
30
Надавови синови беа Селед и Апаим, но Селед умре без деца.
31
Апаимов син беше Есеј, Есеев син беше Сисан, а Сисанов син беше Алај.
32
Синови на Јадај, Самаевиот брат, беа Етер и Јонатан; но Етер умре без деца.
33
Јонатанови синови беа Фалет и Заза. Тоа беа Ерамеилови потомци.
34
Сисан немаше синови, туку само ќерки; тој имаше слуга Египетец по име Јарај.
35
Затоа Сисан му ја даде својата ќерка за жена на слугата Јарај, и таа му го роди Атаја.
36
На Атај му се роди Натан, на Натан му се роди Завад.
37
На Завад му се роди Ефлал, на Ефлал му се роди Овид.
38
На Овид му се роди Јуј, на Јуј му се роди Азариј.
39
На Азариј му се роди Хелис, на Хелис му се роди Елаус.
40
На Елаус му се роди Сисамај, на Сисамај му се роди Салум.
41
На Салум му се роди Екамиј, а на Екамиј му се роди Елисам.
42
Синови на Халев, братот на Ерамеил, беа неговиот првенец Миса, таткото на Зиф, и синовите на Мариса, таткото на Хеврон.
43
Хевронови синови беа Кореј, Тафуј, Рекем и Сема.
44
На Сема му се роди Рама, таткото на Јоркоам, а на Рекем му се роди Самај.
45
Самаев син беше Маон, а Маон беше татко на Вет-Сур.
46
Гефа, Халевовата наложница, ги роди Харан, Моса и Газес; на Харан му се роди Газес.
47
Јадаеви синови беа Регем, Јотам, Гисам, Фелет, Гефа и Сагаф.
48
Маха, Халевовата наложница, ги роди Север и Тирхан.
49
Таа го роди и Сагаф, таткото на Мадмана, и Сева, таткото на Махвина и на Гаваја; а Халевова ќерка беше Ахса.
50
Тоа беа Халевовите потомци. Синови на Ор, Ефратиниот првенец, беа Совал, таткото на Киријат-Јарим,
51
Салма, таткото на Витлеем, и Ареф, таткото на Вет-Гадер.
52
Синови на Совал, таткото на Киријат-Јарим, беа Арој и половината Манахатци.
53
Киријат-Јаримските семејства беа Етерците, Футците, Суматците и Мисрајците; од нив потекнаа Сарајците и Естаолците.
54
Салмини потомци беа Витлеемците, Нетофатците, Атарот-Вет-Јоав и половината Манахатци, Сарајците.
55
Книжевничките семејства што живееја во Јавис беа Тиратците, Симеатците и Сухатците. Тоа беа Кенејците што потекнаа од Емат, таткото на Рихавовиот дом.