1 Летописи

Ова се Давидовите синови што му се родија во Хеврон: првенецот Амнон од Езраелката Ахиноама; вториот Даниел од Кармилката Авигеја;

третиот Авесалом, син на Мака, ќерката на гесурскиот цар Талмај; четвртиот Адониј, синот на Агита;

петтиот Сефатиј од Авитала; шестиот Итрам од неговата жена Егла.

Шест синови му се родија во Хеврон, каде што царуваше седум години и шест месеци; а во Ерусалим царуваше триесет и три години.

Овие синови му се родија во Ерусалим: Самај, Совав, Натан и Соломон, четворица од Вит-Савеа, Амиловата ќерка;

потоа Евар, Елисам, Елифалет,

Нога, Нефег, Јафиј,

Елисам, Елијад и Елифелет, деветмина.

Тоа беа сите Давидови синови, освен синовите од наложниците; нивна сестра беше Тамара.

Соломонов син беше Ровоам, негов син Авиј, негов син Аса, негов син Јосафат,

негов син Јорам, негов син Охозиј, негов син Јоас,

негов син Амасиј, негов син Азариј, негов син Јотам,

негов син Ахаз, негов син Езекиј, негов син Манасиј,

негов син Амон, негов син Јосиј.

Јосиеви синови беа: првенецот Јоанан, вториот Јоаким, третиот Седекиј и четвртиот Салум.

Јоакимови синови беа Јехониј и неговиот син Седекија.

Синови на затвореникот Јехониј беа Салатил,

Малхирам, Федај, Сенасар, Јекамиј, Осам и Недавиј.

Федаеви синови беа Зоровавел и Симеј; Зоровавелови синови беа Месулам и Ананиј, а нивна сестра беше Селомета;

потоа Асува, Оел, Варахиј, Јуса-Весед и други, вкупно петмина.

Ананиеви синови беа Фелатиј и Јесај; потоа Рефаевите, Арнановите, Овадиевите и Сеханиевите потомци.

Сеханиев син беше Сематиј; Сематиеви синови беа Хатус, Игеал, Вариј, Неариј и Сафат, шестмина.

Неариеви синови беа Елиоенај, Езекиј и Азрикам, тројца.

Елиоенаеви синови беа Одај, Елиасиф, Фелај, Акув, Јоанан, Далај и Анан, седуммина.