1 Летописи

Давид и воените заповедници одделија за службата некои од синовите на Асаф, Еман и Једутун, кои пророкуваа со харфи, лири и кимвали. Ова е бројот на луѓето определени за таа служба:

Од Асафовите синови: Закхур, Јосиф, Натанија и Асарила. Асафовите синови беа под водството на Асаф, кој пророкуваше според царската заповед.

Од Једутун: Једутуновите синови Годолија, Езриј, Исаија, Семеј, Асавија и Мататија – шестмина – под водството на својот татко Једутун, кој пророкуваше со харфа, Му благодареше и Го славеше Господ.

Од Еман: Емановите синови Вукија, Матанија, Озиил, Суваил, Јеримот, Ананија, Ананиј, Елијата, Гидалтиј, Ромамти-Езер, Јосвекаса, Малотиј, Отир и Маазиот.

Сите тие беа синови на Еман, царскиот пророк-гледач, според Божјите зборови, за да ја возвиши неговата чест. Бог му даде на Еман четиринаесет синови и три ќерки.

Сите тие беа под водството на својот татко и пееја во Господовиот дом со кимвали, лири и харфи, во службата на Божјиот дом. Асаф, Једутун и Еман беа под царската заповед.

Нивниот број, заедно со нивните браќа обучени во Господовите песни, сите вешти, беше двесте осумдесет и осум.

Фрлаа ждрепка за редот на службата, еднакво и малиот и големиот, учителот и ученикот.

Првата ждрепка падна на Јосиф од Асафовиот дом; тој, неговите синови и браќа беа дванаесет. Втората падна на Годолија; тој, неговите браќа и синови беа дванаесет.

Третата падна на Закхур; тој, неговите синови и браќа беа дванаесет.

Четвртата падна на Езриј; тој, неговите синови и браќа беа дванаесет.

Петтата падна на Натанија; тој, неговите синови и браќа беа дванаесет.

Шестата падна на Вукија; тој, неговите синови и браќа беа дванаесет.

Седмата падна на Асарила; тој, неговите синови и браќа беа дванаесет.

Осмата падна на Исаија; тој, неговите синови и браќа беа дванаесет.

Деветтата падна на Матанија; тој, неговите синови и браќа беа дванаесет.

Десеттата падна на Семеј; тој, неговите синови и браќа беа дванаесет.

Единаесеттата падна на Азареил; тој, неговите синови и браќа беа дванаесет.

Дванаесеттата падна на Асавија; тој, неговите синови и браќа беа дванаесет.

Тринаесеттата падна на Суваил; тој, неговите синови и браќа беа дванаесет.

Четиринаесеттата падна на Мататија; тој, неговите синови и браќа беа дванаесет.

Петнаесеттата падна на Јеримот; тој, неговите синови и браќа беа дванаесет.

Шеснаесеттата падна на Ананија; тој, неговите синови и браќа беа дванаесет.

Седумнаесеттата падна на Јосвекаса; тој, неговите синови и браќа беа дванаесет.

Осумнаесеттата падна на Ананиј; тој, неговите синови и браќа беа дванаесет.

Деветнаесеттата падна на Малотиј; тој, неговите синови и браќа беа дванаесет.

Дваесеттата падна на Елијата; тој, неговите синови и браќа беа дванаесет.

Дваесет и првата падна на Отир; тој, неговите синови и браќа беа дванаесет.

Дваесет и втората падна на Гидалтиј; тој, неговите синови и браќа беа дванаесет.

Дваесет и третата падна на Маазиот; тој, неговите синови и браќа беа дванаесет.

Дваесет и четвртата падна на Ромамти-Езер; тој, неговите синови и браќа беа дванаесет.