Ездра

Ова се луѓето од вавилонската област што се вратија од заробеништвото – од оние што вавилонскиот цар Навуходоносор ги беше одвел во Вавилон – и што се вратија во Ерусалим и во Јуда, секој во својот град.

Тие дојдоа со Зоровавел, Исус, Неемија, Сераја, Реелаја, Мордехај, Билшан, Миспар, Бигвај, Рехум и Баана. Бројот на мажите од Израелевиот народ беше:

потомците на Фарос – две илјади сто седумдесет и двајца;

потомците на Сефатија – триста седумдесет и двајца;

потомците на Арах – седумстотини седумдесет и петмина;

потомците на Фаат-Моав, од потомците на Исус и Јоав – две илјади осумстотини и дванаесетмина;

потомците на Елам – илјада двесте педесет и четворица;

потомците на Затуј – деветстотини четириесет и петмина;

потомците на Закхеј – седумстотини и шеесетмина;

потомците на Вануј – шестотини четириесет и двајца;

потомците на Вивај – шестотини дваесет и тројца;

потомците на Азгад – илјада двесте дваесет и двајца;

потомците на Адоникам – шестотини шеесет и шестмина;

потомците на Бигвај – две илјади педесет и шестмина;

потомците на Адин – четиристотини педесет и четворица;

потомците на Атир, од домот на Езекија – деветстотини и осуммина;

потомците на Висај – триста дваесет и тројца;

потомците на Јора – сто и дванаесетмина;

потомците на Асум – двесте дваесет и тројца;

потомците на Гивар – деведесет и петмина;

луѓето од Витлеем – сто дваесет и тројца;

луѓето од Нетофа – педесет и шестмина;

луѓето од Анатот – сто дваесет и осуммина;

потомците на Азмавет – четириесет и двајца;

потомците од Киријат-Јарим, Хефира и Вирот – седумстотини четириесет и тројца;

потомците од Рама и Гаваја – шестотини дваесет и еден;

луѓето од Михмас – сто дваесет и двајца;

луѓето од Ветил и Гај – двесте дваесет и тројца;

потомците од Нево – педесет и двајца;

потомците на Магвис – сто педесет и шестмина;

потомците на другиот Елам – илјада двесте педесет и четворица;

потомците на Харим – триста и дваесетмина;

потомците од Лод, Адид и Оно – седумстотини дваесет и петмина;

потомците од Ерихон – триста четириесет и петмина;

потомците од Сенаја – три илјади шестотини и триесетмина.

Свештениците: потомците на Едаја, од домот на Исус – деветстотини седумдесет и тројца;

потомците на Емир – илјада педесет и двајца;

потомците на Пасхор – илјада двесте четириесет и седуммина;

потомците на Харим – илјада и седумнаесетмина.

Левитите: потомците на Исус и Кадмиел, од потомците на Одавија – седумдесет и четворица.

Пејачите: потомците на Асаф – сто дваесет и осуммина.

Потомците на вратарите: потомците на Селум, Атир, Талмон, Акув, Атита и Совај – вкупно сто триесет и деветмина.

Храмските слуги: потомците на Сиха, Асуфа и Таваот;

потомците на Кирос, Сија и Фадон;

потомците на Левана, Агава и Акув;

потомците на Агав, Салмај и Анан;

потомците на Гедил, Гаар и Реаја;

потомците на Расин, Некода и Газам;

потомците на Оза, Фасеј и Висај;

потомците на Асана, Меуним и Нефусим;

потомците на Ваквук, Акуфа и Арур;

потомците на Васалот, Меида и Арса;

потомците на Варкос, Сисар и Тама;

потомците на Несиа и Атифа.

Потомците на Соломоновите слуги: потомците на Сотај, Соферет и Феруда;

потомците на Јаала, Даркон и Гедил;

потомците на Сефатија, Атил, Фохерет од Севаим и Ами.

Сите храмски слуги и потомците на Соломоновите слуги беа триста деведесет и двајца.

Овие се оние што дојдоа од Тел-Мелах, Тел-Ариса, Херув, Адан и Емир, но не можеа да докажат дека нивните татковски домови и нивното потекло се од Израел:

потомците на Делаја, Товија и Некода – шестотини педесет и двајца.

Од свештеничките потомци: потомците на Аваја, Акос и потомците на Верзелај, кој зеде жена од ќерките на Галаадецот Верзелај и беше наречен според нивното име.

Тие ги бараа своите записи меѓу оние што беа запишани според семејното потекло, но не ги најдоа; затоа беа отстранети од свештенството како нечисти.

Управителот им заповеда да не јадат од најсветите дарови сѐ додека не се појави свештеник што ќе се послужи со Урим и Тумим.

Целото собрание броеше четириесет и две илјади триста и шеесет луѓе,

освен нивните слуги и слугинки, кои беа седум илјади триста триесет и седум. Имаа и двесте пејачи и пејачки.

Нивните коњи беа седумстотини триесет и шест, нивните мазги – двесте четириесет и пет,

нивните камили – четиристотини триесет и пет, а магарињата – шест илјади седумстотини и дваесет.

Кога дојдоа кај Господовиот дом во Ерусалим, некои од водачите на татковските домови доброволно дадоа прилози за Божјиот дом, за повторно да биде изграден на своето место.

Според своите можности, во ризницата за работата дадоа шеесет и една илјада златни дарици, пет илјади мини сребро и сто свештенички облеки.

Така свештениците, левитите, дел од народот, пејачите, вратарите и храмските слуги се населија во своите градови – целиот Израел во своите градови.