1 Мојсеева — Битие

Глава 5

1
Ова е записот за потомството на Адам. Во денот кога Бог го создаде човекот, го направи според Божјото подобие.
2
Ги создаде машко и женско, ги благослови и им го даде името Човек, во денот кога беа создадени.
3
Адам живееше сто и триесет години, па му се роди син според неговото подобие и лик, и го нарече Шет.
4
По раѓањето на Шет, Адам живееше осумстотини години, и му се родија синови и ќерки.
5
Сите денови што ги поживеа Адам беа деветстотини и триесет години; и умре.
6
Шет живееше сто и пет години, па му се роди Енош.
7
По раѓањето на Енош, Шет живееше осумстотини и седум години, и му се родија синови и ќерки.
8
Сите денови на Шет беа деветстотини и дванаесет години; и умре.
9
Енош живееше деведесет години, па му се роди Кенан.
10
По раѓањето на Кенан, Енош живееше осумстотини и петнаесет години, и му се родија синови и ќерки.
11
Сите денови на Енош беа деветстотини и пет години; и умре.
12
Кенан живееше седумдесет години, па му се роди Махалалел.
13
По раѓањето на Махалалел, Кенан живееше осумстотини и четириесет години, и му се родија синови и ќерки.
14
Сите денови на Кенан беа деветстотини и десет години; и умре.
15
Махалалел живееше шеесет и пет години, па му се роди Јаред.
16
По раѓањето на Јаред, Махалалел живееше осумстотини и триесет години, и му се родија синови и ќерки.
17
Сите денови на Махалалел беа осумстотини деведесет и пет години; и умре.
18
Јаред живееше сто шеесет и две години, па му се роди Енох.
19
По раѓањето на Енох, Јаред живееше осумстотини години, и му се родија синови и ќерки.
20
Сите денови на Јаред беа деветстотини шеесет и две години; и умре.
21
Енох живееше шеесет и пет години, па му се роди Метушелах.
22
По раѓањето на Метушелах, Енох одеше со Бог триста години, и му се родија синови и ќерки.
23
Сите денови на Енох беа триста шеесет и пет години.
24
Енох одеше со Бог, и го немаше веќе, зашто Бог го зеде.
25
Метушелах живееше сто осумдесет и седум години, па му се роди Ламех.
26
По раѓањето на Ламех, Метушелах живееше седумстотини осумдесет и две години, и му се родија синови и ќерки.
27
Сите денови на Метушелах беа деветстотини шеесет и девет години; и умре.
28
Ламех живееше сто осумдесет и две години, па му се роди син.
29
Го нарече Ное, велејќи: „Овој ќе нѐ утеши во нашата работа и во трудот на нашите раце, што доаѓа од земјата што Господ ја проколна.“
30
По раѓањето на Ное, Ламех живееше петстотини деведесет и пет години, и му се родија синови и ќерки.
31
Сите денови на Ламех беа седумстотини седумдесет и седум години; и умре.
32
А Ное имаше петстотини години, и му се родија Сим, Хам и Јафет.