Прескокни кон главната содржина
Црква Евангелие Христово - Битола

Осија

Глава 3

  1. 1

    Потоа Господ ми рече: „Оди пак и засакај жена што е сакана од друг, а е прељубница, како што Господ ги сака Израелевите синови, иако тие се свртуваат кон други богови и сакаат колачи од суво грозје.“

  2. 2

    Така ја купив за себе за петнаесет сикли сребро и за еден хомер и половина хомер јачмен.

  3. 3

    И ѝ реков: „Остани кај мене многу денови; не блудствувај и не биди со друг маж; и јас ќе бидам така кон тебе.“

  4. 4

    Зашто Израелевите синови ќе останат многу денови без цар, без владетел, без жртва, без столб, без ефод и без терафими.

  5. 5

    Потоа Израелевите синови ќе се вратат и ќе Го бараат Господ, својот Бог, и Давид, својот цар; со трепет ќе се обратат кон Господ и кон Неговата добрина во последните денови.