Псалми

Помогни, Господи, зашто побожниот исчезнува, а верните сѐ поретко се наоѓаат меѓу луѓето.

Секој го лаже својот ближен; зборуваат со ласкави усни, а во срцето се дволични.

Господ нека ги замолкне сите ласкави усни и секој јазик што зборува горделиво,

оние што велат: „Со нашиот јазик ќе победиме; усните се наши — кој може да ни биде господар?“

„Поради угнетувањето на сиромашните и воздивнувањето на бедните, сега ќе станам“, вели Господ. „Ќе го поставам на сигурно место оној по кого се посегнува.“

Господовите зборови се чисти, како сребро претопено во печка и седумпати пречистено.

Ти, Господи, ќе ги заштитиш и ќе ги чуваш од ова поколение засекогаш.

Безбожните слободно се движат насекаде кога меѓу луѓето се возвишува она што е бесчесно.