Псалми

До кога, Господи? Ќе ме забораваш ли засекогаш? До кога ќе го криеш Своето лице од мене?

До кога ќе носам грижи во душата и секој ден тага во срцето? До кога мојот непријател ќе се издигнува над мене?

Погледни кон мене и одговори ми, Господи, Боже мој! Врати им светлина на моите очи, за да не заспијам во смрт,

за да не рече мојот непријател: „Го совладав“, и моите противници да не се радуваат ако се поколебам.

Но јас се надевам на Твојата милост; моето срце ќе се радува на Твоето спасение.

Ќе Му пеам на Господ, зашто Тој ми направи добро.