Псалми

Срцето ми се исполни со радост кога ми рекоа: „Да одиме во Господовиот дом!“

Еве, нашите нозе веќе стојат пред твоите порти, Ерусалиме.

Ерусалиме, ти си изграден како град во кој сѐ е цврсто соединето во едно.

Кон тебе се искачуваат племињата, Господовите племиња, според заповедта дадена на Израел, за да го слават Господовото име.

Зашто таму се поставени престолите за суд, престолите на Давидовиот дом.

Молете се за мирот на Ерусалим: „Нека им биде добро на оние што те љубат!

Нека има мир во твоите ѕидови и спокојство во твоите тврдини!“

Поради моите браќа и пријатели ќе речам: „Мир нека владее во тебе!“

Заради домот на Господ, нашиот Бог, ќе се трудам за твоето добро.