Прескокни кон главната содржина
Црква Евангелие Христово - Битола

Псалми

Глава 148

  1. 1

    Славете Го Господ од небесата; славете Го во височините!

  2. 2

    Славете Го, сите Негови ангели; славете Го, сите Негови небесни војски!

  3. 3

    Славете Го, сонце и месечино; славете Го, сите светли ѕвезди!

  4. 4

    Славете Го, највисоки небеса, и вие води што сте над небесата!

  5. 5

    Сите нека го слават Господовото име, зашто Тој заповеда и тие беа создадени.

  6. 6

    Тој ги утврди да траат засекогаш и довека и им даде одредба што нема да помине.

  7. 7

    Славете Го Господ и од земјата, вие морски чудовишта и сите морски длабочини,

  8. 8

    оган и град, снег и магла, и бурен ветер што ја извршува Неговата заповед,

  9. 9

    сите планини и ридови, плодните дрвја и високите кедри,

  10. 10

    диви ѕверови и сиот добиток, лазачи и птици што летаат,

  11. 11

    земни цареви и сите народи, владетели и сите судии на земјата,

  12. 12

    момчињата и девојките, старците заедно со децата!

  13. 13

    Сите нека го слават Господовото име, зашто само Неговото име е возвишено; Неговата слава е над земјата и над небото.

  14. 14

    Тој ја издигна силата на Својот народ, за пофалба на сите што Му припаѓаат, на Израелевите синови – народот што Му е близок. Алилуја!