Псалми

Нека ти одговори Господ во денот на неволјата; името на Јакововиот Бог нека те заштити.

Нека ти испрати помош од светилиштето и нека те поткрепи од Сион.

Нека се сети на сите твои приноси и со задоволство нека ја прими твојата жртва паленица.

Нека ти го даде она што го посакува твоето срце и нека ги оствари сите твои намери.

Ќе воскликнуваме од радост поради твоето спасение и ќе ги развееме знамињата во името на нашиот Бог. Нека Господ ти ги исполни сите молби.

Сега знам: Господ го спасува Својот помазаник и од Своето свето небо ќе му одговори со спасителната сила на Својата десна рака.

Едни се надеваат на бојни коли, други на коњи, а ние се потпираме на името на Господ, нашиот Бог.

Тие се наведнаа и паднаа, а ние станавме и цврсто стоиме.

Господи, спаси! Царот нека ни одговори кога повикуваме.