Псалми

Суди ми, Господи, зашто живеев непорочно и без колебање се надевав на Тебе.

Испитај ме, Господи, и провери ме; проникни во моите најдлабоки мисли и во моето срце.

Твојата милост постојано е пред моите очи и јас одам во Твојата вистина.

Не седам со измамници и не се дружам со лицемери.

Го мразам собирот на злосторниците и нема да седам со безбожните.

Ќе ги измијам рацете во невиност и така ќе му пристапам на Твојот жртвеник, Господи,

за гласно да Ти благодарам и да раскажувам за сите Твои чудесни дела.

Господи, го сакам домот во кој живееш, местото каде што престојува Твојата слава.

Не ја земај мојата душа заедно со грешниците, ниту мојот живот заедно со крвожедните луѓе,

во чии раце има злосторство и чија десница е полна со поткуп.

А јас ќе продолжам да живеам непорочно; откупи ме и биди милостив кон мене.

Мојата нога стои на цврсто место; во собранијата ќе Го славам Господ.