Псалми

Боже, спаси ме со силата на Своето име и одбрани ме со Својата моќ.

Боже, чуј ја мојата молитва и внимавај на зборовите од мојата уста.

Зашто туѓинци се кренаа против мене, а насилници го бараат мојот живот; тие воопшто не Го поставија Бог пред себе.

Ете, Бог ми помага; Господ е Оној што ми го одржува животот.

Тој ќе им го врати злото на моите непријатели; според Својата верност уништи ги.

Доброволно ќе Ти принесам жртва и ќе го славам Твоето име, Господи, зашто е добро.

Зашто Ти ме избави од секоја неволја, а моите очи го видоа падот на моите непријатели.