Псалми

Боже, Ти нѐ отфрли и нѐ разби; се разгневи на нас — сега обнови нѐ повторно.

Ја потресе земјата и ја расцепи; исцели ги нејзините пукнатини, зашто уште се ниша.

На Својот народ му покажа тешки нешта; нѐ напои со вино од кое се тетеравиме.

Но на оние што имаат страв од Тебе им даде знаме, за да го развеат поради вистината.

За да бидат избавени Твоите сакани, спаси нѐ со Својата десна рака и одговори ни.

Бог проговори во Својата светост: „Ќе се радувам; ќе го разделам Шехем и ќе ја измерам долината Сукот.

Мој е Гилад, Мој е и Манасија; Ефрем е шлемот на Мојата глава, а Јуда е Мојот владетелски стап.

Моав е Мојот сад за миење; врз Едом ќе ја фрлам Својата обувка; филистимска земјо, извикај поради Мојата победа!“

Кој ќе ме одведе до утврдениот град? Кој ќе ме доведе сѐ до Едом?

Зар не Ти, Боже, иако нѐ отфрли и повеќе не излегуваш со нашите војски?

Дај ни помош против непријателот, зашто човечката помош е залудна.

Со Бог ќе направиме храбри дела, зашто токму Тој ќе ги згази нашите непријатели.