Прескокни кон главната содржина
Црква Евангелие Христово - Битола

Псалми

Глава 67

  1. 1

    Бог нека ни се смилува и нека нѐ благослови; нека го осветли Своето лице над нас,

  2. 2

    за Твојот пат да стане познат по целата земја и Твоето спасение меѓу сите народи.

  3. 3

    Боже, нека Те слават народите; нека Те слават сите народи.

  4. 4

    Народите нека се радуваат и нека извикуваат од веселба, зашто Ти праведно ќе им судиш и ќе ги водиш народите на земјата.

  5. 5

    Боже, нека Те слават народите; сите народи нека Ти оддаваат слава.

  6. 6

    Земјата веќе го даде својот плод; Бог, нашиот Бог, ќе нѐ благослови.

  7. 7

    Бог ќе нѐ благослови, и сите краишта на земјата ќе имаат страв од Него.