Псалми

Бог стои во Божјото собрание и суди меѓу оние што се наречени богови:

„До кога ќе судите неправедно и ќе им давате предност на безбожниците?

Бранете ги правата на сиромашниот и сиракот; донесувајте правда за угнетениот и бедниот.

Избавувајте ги сиромашниот и немоќниот; ослободувајте ги од рацете на безбожниците.

Но тие ништо не знаат и ништо не разбираат; одат во темнина, а сите темели на земјата се разнишуваат.

Јас реков: ‚Вие сте богови; сите вие сте синови на Севишниот.

Но сепак ќе умрете како и другите луѓе и ќе паднете како секој земен владетел.‘“

Стани, Боже, и суди ѝ на земјата, зашто сите народи Ти припаѓаат.