1 Летописи

Глава 6

1
Левиеви синови беа Гирсон, Каат и Мерариј.
2
Каатови синови беа Амрам, Исар, Хеврон и Озил.
3
Амрамови деца беа Арон, Мојсеј и Мирјама. Аронови синови беа Надав, Авијуд, Елеазар и Итамар.
4
На Елеазар му се роди Финес, на Финес му се роди Ависуј.
5
На Ависуј му се роди Вукиј, на Вукиј му се роди Озиј.
6
На Озиј му се роди Зерај, а на Зерај му се роди Мерајот.
7
На Мерајот му се роди Амариј, на Амариј му се роди Ахитов.
8
На Ахитов му се роди Садок, а на Садок му се роди Ахимас.
9
На Ахимас му се роди Азариј, а на Азариј му се роди Јоанан.
10
На Јоанан му се роди Азариј, кој служеше како свештеник во храмот што Соломон го изгради во Ерусалим.
11
На Азариј му се роди Амариј, а на Амариј му се роди Ахитов.
12
На Ахитов му се роди Садок, а на Садок му се роди Салум.
13
На Салум му се роди Хелкиј, а на Хелкиј му се роди Азариј.
14
На Азариј му се роди Јоседек.
15
Јоседек беше одведен кога Господ ги одведе Јуда и Ерусалим во ропство преку Навуходоносор.
16
Левиеви синови беа Гирсон, Каат и Мерариј.
17
Имињата на Гирсоновите синови беа Ловениј и Симеј.
18
Каатови синови беа Амрам, Исар, Хеврон и Озил.
19
Мерариеви синови беа Молиј и Мусиј. Ова беа левитските родови според нивните татковски домови.
20
Од Гирсон: негов син Левениј, негов син Јат, негов син Зима,
21
негов син Јоах, негов син Идо, негов син Зера, негов син Етрај.
22
Каатови потомци: негов син Аминадав, негов син Кореј, негов син Асир,
23
негов син Елкана, негов син Евијасаф, негов син Асир,
24
негов син Тахат, негов син Урил, негов син Озиј, негов син Саул.
25
Елканини синови беа Амасај и Ахимот.
26
Негов син беше Елкана, негов син Суфиј, негов син Махат,
27
негов син Елијав, негов син Јероам, негов син Елкана.
28
Самоилови синови беа првенецот Јоил и вториот Авиј.
29
Мерариеви потомци: Молиј, негов син Симеј, негов син Уза,
30
негов син Симај, негов син Агиј, негов син Асаја.
31
Ова се оние што Давид ги постави да се грижат за пеењето во Господовиот Дом, откако ковчегот најде почивалиште таму.
32
Тие служеа со пеење пред Шаторот на средбата, сѐ додека Соломон не го изгради Господовиот Дом во Ерусалим; ја вршеа својата служба според пропишаниот ред.
33
Ова се тие што служеа со своите синови: од Каатовите синови – пејачот Еман, синот на Јоил, син на Самоил,
34
син на Елкана, син на Јероам, син на Елил, син на Тоја,
35
син на Суф, син на Елкана, син на Мат, син на Амасај,
36
син на Елкана, син на Јоил, син на Азариј, син на Софониј,
37
син на Тахат, син на Асир, син на Евијасаф, син на Кореј,
38
син на Исар, син на Каат, син на Левиј, Израелевиот син.
39
Неговиот брат Асаф стоеше од десната страна; Асаф беше син на Варахиј, син на Симеј,
40
син на Михаил, син на Васиј, син на Малхиј,
41
син на Етниј, син на Зера, син на Адај,
42
син на Етан, син на Зима, син на Симеј,
43
син на Јат, син на Гирсон, Левиевиот син.
44
Мерариевите синови, нивните браќа, стоеја од левата страна: Етан, синот на Кисиј, син на Авдиј, син на Малух,
45
син на Асавиј, син на Амасиј, син на Хелкиј,
46
син на Амасиј, син на Ваниј, син на Самир,
47
син на Молиј, син на Мусиј, син на Мерариј, Левиевиот син.
48
Нивните браќа левити беа поставени за секоја служба во Шаторот на Божјиот Дом.
49
Арон и неговите синови принесуваа жртви паленици на жртвеникот и кадеа на кадилниот жртвеник. Тие ја вршеа целата служба во Најсветото место и принесуваа жртви за очистување на Израел, според сѐ што заповеда Божјиот слуга Мојсеј.
50
Ова се Ароновите потомци: негов син Елеазар, негов син Финес, негов син Ависуј,
51
негов син Вукиј, негов син Озиј, негов син Зерај,
52
негов син Мерајот, негов син Амариј, негов син Ахитов,
53
негов син Садок, негов син Ахимас.
54
Ова се нивните живеалишта според населбите во нивното подрачје: на Ароновите синови од Каатовото семејство, бидејќи ним им падна првата ждрепка,
55
им го дадоа Хеврон во Јудината земја со пасиштата околу него.
56
Но градските полиња и неговите села му ги дадоа на Ефониевиот син Халев.
57
На Ароновите синови им ги дадоа градовите-прибежишта: Хеврон, Ливна со пасиштата, Јатир, Естемој со пасиштата,
58
Илон со пасиштата, Девир со пасиштата,
59
Асан со пасиштата и Вет-Семес со пасиштата.
60
Од Венијаминовото племе им ги дадоа Гаваја со пасиштата, Алемат со пасиштата и Анатот со пасиштата. Вкупно, според нивните родови, имаа тринаесет градови.
61
На другите Каатови синови, според нивните родови, со ждрепка им припаднаа десет градови од половината Манасиево племе.
62
На Гирсоновите синови, според нивните родови, им припаднаа тринаесет градови од Исахаровото, Асировото, Нефталимовото и Манасиевото племе во Васан.
63
На Мерариевите синови, според нивните родови, со ждрепка им припаднаа дванаесет градови од Рувимовото, Гадовото и Завулоновото племе.
64
Така Израелевите синови им ги дадоа на левитите тие градови со нивните пасишта.
65
Со ждрепка им ги дадоа спомнатите градови од племињата на Јудините, Симеоновите и Венијаминовите синови.
66
На некои од родовите на Каатовите синови им припаднаа градови од Ефремовото племе.
67
Им ги дадоа градовите-прибежишта: Шехем со пасиштата во Ефремовата Гора, Гезер со пасиштата,
68
Јокмеам со пасиштата, Вет-Орон со пасиштата,
69
Ејалон со пасиштата и Гат-Римон со пасиштата.
70
Од половината Манасиево племе им ги дадоа на другите Каатови родови Анир со пасиштата и Вилеам со пасиштата.
71
На Гирсоновите синови, од половината Манасиево племе, им ги дадоа Голан во Васан со пасиштата и Астарот со пасиштата.
72
Од Исахаровото племе: Кедес со пасиштата, Даврат со пасиштата,
73
Рамот со пасиштата и Аним со пасиштата.
74
Од Асировото племе: Масал со пасиштата, Авдон со пасиштата,
75
Хукок со пасиштата и Реов со пасиштата.
76
Од Нефталимовото племе: Кедес во Галилеја со пасиштата, Амон со пасиштата и Киријатаим со пасиштата.
77
На другите Мерариеви синови им ги дадоа од Завулоновото племе Римон со пасиштата и Тавор со пасиштата.
78
Од другата страна на Јордан, спроти Ерихон, источно од Јордан, од Рувимовото племе им ги дадоа Восор во пустината со пасиштата, Јаса со пасиштата,
79
Кедимот со пасиштата и Мифат со пасиштата.
80
Од Гадовото племе: Рамот во Галад со пасиштата, Маханаим со пасиштата,
81
Есевон со пасиштата и Јазир со пасиштата.