3 Јован

Од старешината до возљубениот Гај, кого го љубам во вистината.

Возљубен мој, се молам во сѐ да напредуваш и да бидеш здрав, како што напредува и твојата душа.

Многу се зарадував кога дојдоа браќата и посведочија за твојата верност кон вистината – дека живееш во вистината.

За мене нема поголема радост од тоа да чујам дека моите деца живеат во вистината.

Возљубен мој, постапуваш верно во сѐ што правиш за браќата, и тоа за оние што ти се непознати.

Тие посведочија за твојата љубов пред црквата. Добро ќе направиш ако ги испратиш на пат како што е достојно за Бог,

зашто тргнаа заради Името, не примајќи ништо од незнабожците.

Затоа сме должни да ги примаме таквите, за и ние да станеме соработници на вистината.

Напишав нешто до црквата, но Диотреф, кој сака да биде прв меѓу нив, не нѐ прима.

Затоа, кога ќе дојдам, ќе ги спомнам неговите дела што ги прави, зборувајќи злобни бесмислици против нас; и не му е доволно тоа, туку самиот не ги прима браќата, а ги спречува и оние што сакаат да ги примат и ги гони од црквата.

Возљубен мој, не угледувај се на злото, туку на доброто. Оној што прави добро е од Бог; а оној што прави зло не Го видел Бог.

За Димитриј сведочат сите, а и самата вистина. И ние сведочиме, и знаеш дека нашето сведоштво е вистинито.

Имав многу да ти пишувам, но не сакам да ти пишувам со мастило и перо.

Се надевам дека наскоро ќе те видам, па ќе разговараме лице в лице.

Мир со тебе! Те поздравуваат пријателите. Поздрави ги пријателите по име.