Јона

Јона Му се помоли на Господ, својот Бог од утробата на рибата,

па рече: „Во мојата неволја повикав кон Господ и Тој ми одговори; извикав од утробата на подземјето - и Ти го чу мојот глас.

Ти ме фрли во длабините, во срцето на морето, и водата ме опколуваше, и сите Твои струи и Твоите бранови минеа преку мене.

Тогаш реков: Отфрлен сум од Твоите очи, но сепак, ќе го видам Твојот свет храм.

Ме притиснаа водите до мојата душа, бездната ме затвори; морска трева ми се обвитка околу главата.

Слегнав до основите на планините, земјата со своите резиња за навек ме затвори, но Ти, Господи, мојот Боже, ќе ја изведеш мојата душа од подземјето.

Кога изнемогна мојата душа, се сетив на Господ, и мојата молитва стигна до Тебе, до Твојот свет храм.

Оние, кои почитуваат лажни богови, се откажуваат од милоста што им припаѓа,

но јас со похвален глас ќе Ти принесам жртва; она што сум го ветил, ќе го исполнам. Спасението е од Господ!“

Тогаш му заповеда Господ на рибата, и таа го исфрли Јона на суво.