Прескокни кон главната содржина
Црква Евангелие Христово - Битола

Малахија

Глава 4

  1. 1

    Зашто, ете, ќе настапи ден, кој гори како печка; тогаш сите горди и оние, кои постапуваат безбожно, ќе бидат како слама, и ќе ги изгори денот што доаѓа, вели Господ над војските; и така, нема да остане од нив ни корен, ниту гранчиња.

  2. 2

    А за вас, кои се боите од Моето име, ќе изгрее сонцето на правдата, и исцеление ќе има во Неговите крилја; и ќе излезете и ќе се разиграте како теленца пуштени од трлото.

  3. 3

    И ќе ги газите безбожниците, зашто тие ќе бидат како пепел под вашите стапала во денот што Јас ќе го приготвам, вели Господ над војските.

  4. 4

    Помнете го законот на Мојсеј, Мојот слуга, кому му заповедав на Хорив за сиот Израел, како и правилата и наредбите.

  5. 5

    Ете, Јас ќе го пратам кај вас пророкот Илија, пред да настапи Господовиот ден - големиот и страшниот.

  6. 6

    И тој ќе ги обрне срцата на татковците кон нивните деца, и срцата на децата кон нивните татковци, за да не дојдам и да ја поразам земјата со проклетство.