Неемија

Оние што го ставија својот печат беа: Неемија, управителот, синот на Ахалија, и Седекија,

Сераја, Азарија, Еремија,

Фасур, Амарија, Малхија,

Хатус, Севанија, Малух,

Харим, Меремот, Авдија,

Даниил, Гинетон, Варух,

Месулам, Авија, Мијамин,

Маазија, Вилгај и Семаја – тоа беа свештениците.

А левитите беа: Исус, синот на Азанија, Винуј од потомците на Енадад, Кадмиел,

и нивните браќа: Севанија, Одија, Келита, Фелаја, Ханан,

Миха, Реов, Асавија,

Закур, Серевија, Севанија,

Одија, Вани и Венинуј.

Водачите на народот беа: Фарос, Фаат-Моав, Елам, Затуј, Ваниј,

Вуниј, Азгад, Вевај,

Адонија, Бигвај, Адин,

Атер, Езекија, Азур,

Одија, Асум, Весај,

Хариф, Анатот, Новај,

Магфиј, Месулам, Езир,

Месизавел, Садок, Јадуа,

Фелатија, Ханан, Анаја,

Осија, Ананија, Асув,

Халохес, Филеја, Совик,

Реум, Асавна, Маасија,

Ахија, Ханан, Анан,

Малух, Харим и Ваана.

А останатиот народ – свештениците, левитите, вратарите, пејачите, храмските слуги и сите што се одделија од народите на земјите заради Божјиот закон, заедно со своите жени, синови и ќерки, сите што можеа да разберат –

им се придружија на своите браќа, на благородниците, и се обврзаа со клетва и заклетва дека ќе живеат според Божјиот закон, даден преку Мојсеј, Божјиот слуга, и дека ќе ги пазат и исполнуваат сите заповеди на Господ, нашиот Бог, Неговите уредби и прописи.

Се обврзавме дека нема да им ги даваме своите ќерки на народите на земјата, ниту ќе ги земаме нивните ќерки за своите синови.

Ако народите на земјата донесат стока или секаква храна за продавање во саботен ден, нема да купуваме од нив во сабота или во друг свет ден. Секоја седма година ќе ја оставаме земјата да одмори и ќе го простуваме секој долг.

И си поставивме за наредба секоја година да даваме по една третина сикла сребро за службата на домот на нашиот Бог:

за лебовите што се поставуваат, за постојаниот житен принос, за постојаната жртва-паленица, за саботите, новомесечијата и празниците, за светите приноси и за жртвите за грев, за да се извршува очистување за Израел, и за целата служба во домот на нашиот Бог.

Ние – свештениците, левитите и народот – фрливме жрепка за донесувањето дрва во домот на нашиот Бог, според нашите татковски домови, во определени времиња секоја година, за да горат на жртвеникот на Господ, нашиот Бог, како што е напишано во Законот.

Се обврзавме секоја година да ги донесуваме во Господовиот дом првините од својата земја и првите плодови од секое дрво,

како и првородените од своите синови и од својот добиток, како што е напишано во Законот; првородените од своите говеда и од своите стада ќе ги донесуваме во домот на нашиот Бог кај свештениците што служат во домот на нашиот Бог.

И првините од своето замесено тесто, своите приноси, плодот од секое дрво, новото вино и маслото ќе им ги носиме на свештениците во собите на домот на нашиот Бог; а десетокот од својата земја ќе им го даваме на левитите, зашто левитите го собираат десетокот во сите наши земјоделски градови.

Свештеник, потомок на Арон, ќе биде со левитите кога левитите го собираат десетокот. А левитите ќе донесуваат десетина од десетокот во домот на нашиот Бог, во собите на ризницата.

Зашто Израелевите синови и левитите треба да ги донесуваат приносите од житото, новото вино и маслото во собите каде што се предметите на светилиштето и каде што се свештениците што служат, вратарите и пејачите. Нема да го запоставуваме домот на нашиот Бог.