Псалми

Цела земјо, воскликни Му радосно на Господ!

Служете Му на Господ со радост и дојдете пред Него со радосни песни.

Знајте дека Господ е Бог. Тој нѐ создаде и Негови сме; ние сме Негов народ и овци на Неговото пасиште.

Влезете во Неговите порти со благодарност и во Неговите дворови со пофалба; благодарете Му и славете го Неговото име.

Зашто Господ е добар; Неговата милост трае довека, а Неговата верност останува од поколение во поколение.