Псалми

Славете Го Господ, вие Господови слуги; славете го Господовото име!

Славно нека биде Господовото име отсега и довека.

Од изгрејсонце до зајдисонце нека се слави Господовото име.

Господ е возвишен над сите народи, а Неговата слава е повисока од небесата.

Кој може да се спореди со Господ, нашиот Бог, Кој живее во височините,

а сепак се наведнува за да погледне и на небото и на земјата?

Тој го крева сиромашниот од правта и го издигнува бедниот од буништето,

за да му даде место меѓу владетелите, меѓу водачите на Својот народ.

На бездетната жена ѝ подарува дом и ја исполнува со радост како мајка на деца. Алилуја!