Псалми

Кога Израел излезе од Египет, кога Јакововиот дом си замина од народ што зборуваше туѓ јазик,

Тогаш Јуда стана Божјо светилиште, а Израел земја под Негова власт.

Морето го виде тоа и се повлече, а Јордан потече назад.

Планините потскокнуваа како овни, а ридовите како млади јагниња.

Што ти се случи, море, па побегна? А ти, Јордане, зошто се врати назад?

А вие, планини, зошто потскокнувавте како овни, и вие, ридови, како јагниња?

Трепери, земјо, пред Господ, пред присуството на Јакововиот Бог,

Кој ја претвора карпата во воден поток, а кременот во извор на вода.