Псалми

„Да не беше Господ со нас“ – нека го каже сега Израел –

„да не беше Господ на наша страна кога луѓето се кренаа против нас,

тогаш ќе нѐ проголтаа живи, додека нивниот гнев пламтеше против нас.

Тогаш водите ќе нѐ потопеа, а поројот ќе поминеше над нашата душа.

Разбеснетите води ќе поминеа над нас и ќе нѐ проголтаа.“

Славен нека биде Господ, Кој не нѐ предаде како плен во нивните заби!

Нашата душа избега како птица од стапицата на ловците; стапицата се скрши, и ние се избавивме.

Нашата помош е во името на Господ, Создателот на небото и земјата.