Псалми

Блажен е секој човек што има страв од Господ и живее според Неговите патишта.

Ќе уживаш во плодот од трудот на своите раце; ќе бидеш блажен и ќе ти биде добро.

Твојата жена ќе биде како плодна лоза во твојот дом, а твоите деца како млади маслинови гранки околу твојата трпеза.

Ете, така Господ го благословува човекот што има страв од Него.

Господ нека те благослови од Сион, и нека го гледаш доброто на Ерусалим во сите денови од својот живот.

Нека ги видиш и децата на своите деца! Мир над Израел!