Псалми

„Уште од мојата младост многупати ме угнетуваа“ – нека каже сега Израел –

„уште од мојата младост многупати ме угнетуваа, но сепак не успеаја да ме совладаат.

Орачите ораа по мојот грб и оставаа долги бразди.

Но Господ е праведен; Тој ги пресече јажињата со кои безбожниците нѐ врзуваа.“

Нека бидат посрамени и принудени да отстапат сите што го мразат Сион.

Нека бидат како тревата што расте на покривите и се суши уште пред да биде откорната.

Од неа жетварот не може да ја наполни раката, ниту оној што ги врзува сноповите својата прегратка.

Ниту минувачите ќе им речат: „Господовиот благослов нека биде над вас!“ ниту: „Во Господовото име ви изрекуваме благослов!“