Псалми

Глава 136

1
Славете Го Господ, зашто Тој е добар, и Неговата милост трае довека.
2
Славете Го Бог над сите богови, зашто Неговата милост трае довека.
3
Славете Го Господарот над сите господари, зашто Неговата милост трае довека.
4
Само Тој прави големи чудеса, зашто Неговата милост трае довека.
5
Со Својата мудрост ги создаде небесата, зашто Неговата милост трае довека.
6
Тој ја распростре земјата над водите – Неговата милост трае довека.
7
Тој ги создаде големите небесни светила – Неговата милост трае довека:
8
сонцето, за да владее со денот – Неговата милост трае довека;
9
а месечината и ѕвездите да владеат со ноќта, зашто Неговата милост трае довека.
10
Го погоди Египет преку неговите првородени, зашто Неговата милост трае довека.
11
Од нивната средина го изведе Израел, зашто Неговата милост трае довека,
12
со моќна рака и со подигната мишка, зашто Неговата милост трае довека.
13
Тој го раздели Црвеното Море на два дела – Неговата милост трае довека.
14
Го преведе Израел низ самата средина на морето, зашто Неговата милост трае довека.
15
А фараонот и неговата војска ги собори во Црвеното Море, зашто Неговата милост трае довека.
16
Го водеше Својот народ низ пустината – Неговата милост трае довека.
17
Тој порази големи цареви – Неговата милост трае довека.
18
и погуби прочуени цареви – Неговата милост трае довека:
19
Сихон, аморејскиот цар – Неговата милост трае довека,
20
и Ог, башанскиот цар – Неговата милост трае довека.
21
Нивната земја ја даде како наследство – Неговата милост трае довека,
22
како наследство на Израел, Својот слуга, зашто Неговата милост трае довека.
23
Се сети на нас кога бевме понижени, зашто Неговата милост трае довека.
24
и нѐ избави од рацете на нашите противници – Неговата милост трае довека.
25
Тој му дава храна на секое живо суштество, зашто Неговата милост трае довека.
26
Славете Го Бог Кој е на небесата, зашто Неговата милост трае довека.