Псалми

Ќе Те славам од сето срце; и пред боговите ќе Ти пеам пофалба.

Ќе се поклонам свртен кон Твојот свет храм и ќе го славам Твоето име поради Твојата милост и верност, зашто го возвеличи Својот збор над сето Свое име.

Кога повикав кон Тебе, Ти ми одговори; ме охрабри и ѝ даде нова сила на мојата душа.

Сите земни цареви ќе Те слават, Господи, кога ќе ги чујат зборовите што излегуваат од Твојата уста.

Тие ќе пеат за Господовите патишта, зашто славата на Господ е голема.

Иако Господ е возвишен, Тој се грижи за понизниот, а горделивиот го препознава и оддалеку.

И кога одам среде неволја, Ти ќе ми го зачуваш животот; ќе ја протегнеш Својата рака против гневот на моите непријатели, а Твојата десна рака ќе ме избави.

Господ ќе го доврши делото што го започна за мене. Господи, Твојата милост трае довека; не оставај го незавршено делото на Своите раце.