Псалми

Господи, не ме укорувај во Својот гнев и не ме казнувај во Својата жестока лутина.

Биди милостив кон мене, Господи, зашто изнемоштив; исцели ме, Господи, зашто и коските ми треперат.

И душата ми е длабоко вознемирена. А Ти, Господи — до кога?

Врати се, Господи, и избави ме; спаси ме поради Својата милост.

Зашто во смртта никој не Те спомнува; кој ќе Те слави во гробот?

Изнемоштив од воздивнување; секоја ноќ со солзи ја обливам постелата и го натопувам своето легло.

Очите ми се истрошија од жалост и ослабеа поради сите мои противници.

Тргнете се од мене, сите што правите зло, зашто Господ го чу гласот на моето плачење.

Господ ја чу мојата молба; Господ ја прима мојата молитва.

Сите мои непријатели ќе се посрамат и ќе се исполнат со страв; ненадејно ќе се повлечат засрамени.