Псалми

Господи, Господи наш, колку е величествено Твоето име по целата земја! Својата слава ја постави над небесата.

Од устата на малите деца и доенчињата подигна сила против Твоите противници, за да ги замолкнеш непријателот и одмаздникот.

Кога го гледам Твоето небо, дело на Твоите прсти, месечината и ѕвездите што си ги поставил,

се прашувам: што е човекот, па да мислиш на него, и човечкиот син, па да се грижиш за него?

Сепак, Ти го направи само малку понизок од ангелите и го овенча со слава и чест.

Му даде да владее над делата на Твоите раце и сѐ стави под неговите нозе:

сите овци и говеда, заедно со полските животни,

небесните птици, морските риби и сѐ што се движи по морските патишта.

Господи, Господи наш, колку величествено е Твоето име по целата земја!