Псалми

Градот што Тој го основа стои на светите гори.

Господ ги љуби портите на Сион повеќе од сите живеалишта на Јаков.

Граде Божји, за тебе се кажуваат славни работи!

„Ќе ги спомнам Рахав и Вавилон меѓу оние што Ме познаваат; ете ги и Филистеја, Тир и Куш — за секој од нив ќе се каже: ‚Овој се родил таму.‘“

А за Сион ќе се зборува: „И овој и оној се родија во него“, и Самиот Севишен ќе го утврди.

Кога Господ ќе ги запишува народите, за секого ќе забележи: „Овој се родил таму.“

И пејачите и свирачите ќе пеат: „Сите мои извори се во Тебе.“